Оваа хронологија временски ги покажува клучните точки на пресврт во медиумите и рангирањата и оцените за медиумска слобода и независност на Репортери без граници и Фридом Хаус.
Помеѓу другите проблеми кои ги засегаат државите од Балканот, се вбројуваат недостатокот од имплеметација на клучните закони, контролата на јавните и приватните медиуми преку владиното огласување како и врските помеѓу властите и судиите како проблематични.
Извештајот во 2010 ја потврдува неколку годишната состојба со медиумите во Македонија како земја во која што медиумите се делумно слободни.
Во овој период скоро 40% од медиумите во Македонија престануваат да работат. Извештајот на Репортери без граници го бележи затварањето на трите дневни весници: Време, Шпиц и Коха е ре, а несомнено во центарот на вниманието беше затворањето на најгледаната приватна телевизија А1.
Владата не го почитува Уставот на РМ особено во примена на уставно загарантираните слободи на медиуми и изразување. Политичките или бизнис врските на најголемиот дел на приватните медиуми имаат влијание врз медиумската содржина, додека пак јавниот медиумски сервис дава поддршка на владините ставови и позиции.
Влошување на состојбата преку владино мешање во регулаторните тела. Сеуште голем број на судски случаи кон новинари кои може да доведат до само-цензура во новинарската професија.
Законот за лустрација, клеветата, акредитирањето на странски дописниси, бизнис врските влада-медиуми, како и различниот третман што владата го има кон различни новинари се забележани во извештајот на Фридом Хаус за 2013 година.
Репортери без граници изразуваат загриженост за состојбата со медиумите во Македонија особено во делот на правната регулатива, пристапот до јавни податоци и психичкото и физичко насилство врз новинарите.
Скоро исти забелешки со години се провлекуваат низ извештаите на Фридум Хаус со што Македонија сеуште е позиционирана помеѓу државите со делумна слобода на медиумите.
Случајот Томислав Кежаровски, како и апсењето на Зоран Божиновски се наведени како класични примери за кршење на слободата на информирање.
